Í ársbyrjun 2024 var tekið upp kílómetragjald fyrir akstur rafmagns-, tengiltvinn- og vetnisbíla. Kílómetragjald er áætlað og greitt með svipuðum hætti og gjöld fyrir þjónustu veitu- og orkufyrirtækja vegna sölu á heitu vatni og rafmagni til heimila og fyrirtækja. Þannig er greitt mánaðarlega og byggt á fjölda ekinna kílómetra á tímabilinu. Gjaldtakan byggir á akstursáætlun á grundvelli upplýsinga sem umráðamenn bíla skrá inn. Gjaldið er 6 krónur fyrir hvern ekinn kílómeter á rafmagns- og vetnisbíla en fyrir tengiltvinnbíla er gjaldið lægra, eða 2 krónur fyrir hvern ekinn kílómetra.

Um mitt ár 2025 er síðan ráðgert að kílómetragjald á bensín og dísel bíla komi til framkvæmda. Gjaldið kemur í stað olíu- og bensíngjalda sem falla þá niður. Fólksbílar og bílar undir 3,5 tonn munu greiða 6,7 kr. fyrir hvern ekinn kílómetra.

Hér geta leigutakar skráð aflestur kílómetrastöðu.